Spesialist i medisinsk biokjemi AVDELING FOR MEDISINSK BIOKJEMI, Helse Møre og Romsdal HF

Dette job er udløbet

Avdeling for medisinsk biokjemi i Helse Møre og Romsdal, HMR, er organisert på tvers ved sjukehusa i Kristiansund, Molde, Ålesund og Volda. I avdelinga er det tilsett to spesialistar innan medisinsk biokjemi i tillegg til bioingeniørar og helsesekretærar.

Laboratoria i HMR har døgnaktivitet og tilbyr analysar innan fagområda hematologi, klinisk kjemi, hormonar, proteinar, allergi, medikamentanalysar og transfusjonsmedisin.

HMR byggjer no nytt sjukehus, Sjukehuset Nordmøre Romsdal, SNR, på Hjelset utanfor Molde. For å ivareta den faglege kvaliteten ved valg av nytt analyseutstyr og implementering av analyseutstyr, søker vi no etter spesialist i medisinsk biokjemi. Den som blir tilsett vil få stor påverknad i oppbygginga av nytt medisinsk biokjemisk laboratorium ved SNR.

Arbeidsoppgåver

  • Medisinsk fagleg rådgiving for dei kliniske avdelingane i HMR
  • Medisinsk fagleg rådgiving for bioingeniørar og anna personell i avdelinga
  • Bidra ved kravspesifikasjon, fagleg vurdering og implementering av analyseutstyr ved SNR
  • Delta i avdelingsrådet og vere med å avgjere valg av nye analysar, diskutere kvalitetsutfordringar og andre faglege spørsmål
  • Halde interne og eksterne førelesingar
  • I avdeling for medisinsk biokjemi er seksjonen i Ålesund akkreditert. Arbeidsoppgåver knytt til akkreditering i øvrige seksjonar i avdelinga.

Kvalifikasjonar

  • Norsk autorisasjon som lege
  • Spesialist i medisinsk biokjemi
  • Beherske eit eller fleire skandinaviske språk, skriftleg og munnleg
  • LIS med kort tid igjen av spesialiseringa kan også søke

Personlege eigenskapar

  • Gode samarbeidsevner og god til å finne løysingar
  • Stor arbeidskapasitet og omstillingsdyktig
  • Initiativrik, nøyaktig og strukturert
  • Evne til å arbeide sjølvstendig

Vi tilbyr

  • Vere med å bygge opp nytt moderne laboratorium ved SNR
  • Godt arbeidsmiljø prega av samarbeid og kvalitet
  • Tydelige ansvarsforhold og godt samarbeid internt og mot øvrige kliniske miljø
  • Konkurransedyktige løns- og arbeidsvilkår
  • Gode pensjons- og forsikringsordningar i KLP
  • Ingen vaktordning i avdelinga
  • Fantastisk natur med vakre fjell og spektakulære fjordlandskap

Kontaktinformasjon
Brit Valaas Viddal
Avdelingssjef
+47 70105482
brit.valaas.viddal@helse-mr.no

Helse Møre og Romsdal HF gir spesialisthelsetenester til innbyggjarane i fylket, og skal gjennom pasientverdiprosessen skape «pasientens helseteneste». Vår visjon er å vere ‘’På lag med deg for helsa di‘’. Føretaket er ein kunnskapsorganisasjon med om lag 6500 tilsette, fordelt på sjukehusa i Volda, Ålesund, Molde og Kristiansund, samt behandlingsinstitusjonar innan rehabilitering, psykisk helsevern og rusbehandling. «Kontinuerleg forbetring» er valt til hovudstrategi for helseføretaket. Vi arbeider for å utvikle leiarskap og ein samlande kultur til beste for fagleg tilbod, kvalitet og ressursutnytting. Føretaksadministrasjon ligg i Ålesund.

Vi ønskjer kvalifiserte søkjarar uavhengig av etnisk bakgrunn, kjønn eller alder. For å kunne vurdere fortrinnsrett til stilling, ber vi deg opplyse om dette i søknaden. Innhaldet i stillinga kan bli endra. Ved tilsetting i stillingar der det er krav om det, føreset vi at du leverer tilfredsstillande politiattest. Som søkjar kan du be om å få namnet ditt unntatt frå offentleg søkjarliste. Arbeidsgjevar vil vurdere ei slik oppmoding og ta kontakt med deg dersom oppmodinga ikkje vert tatt til fylgje (jf Offentlighetsloven § 25). Vi ønskjer ikkje kontakt med annonseseljarar.

For meir informasjon om helseforetaket, sjå Helse Møre og Romsdal.